Қурилиш вазирлиги қурилиш ташкилотлари рейтинги порталини ишга туширди

Ўзбекистон Қурилиш вазирлиги қурилиш-пудрат ташкилотлари электрон рейтинги портали — reyting.mc.uz ишга туширди. Порталда қурилиш ташкилотларининг СТИР рақамини киритиш орқали уларнинг рейтингини кўриш мумкин бўлади, деб ёзади “Газета” нашри.

Қурилиш-пудратчи ташкилотлар рейтинг натижалари ишончлилик тоифаси бўйича А, B, C, D даражаларига, улар ўз навбатида рейтинг баҳосига ажратилган. Тендер савдолари айнан мазкур рейтинг натижаларига кўра ўтказилади ва савдоларда юқори ўринда турувчи ташкилотлар устунликка эга бўлади.
 
Рейтингда 36 мингдан ортиқ корхоналар рейтинги кўрсатилган.